NSCB - Sexy Statistics - May trabaho na nga, mahirap pa ren! JEP… Jobs, Earnings, Prices para sa kanila!

May trabaho na nga, mahirap pa ren! English version
JEP… Jobs, Earnings, Prices para sa kanila!
by Jose Ramon G. Albert, Ph.D ¹

Ayon kay Dr. Cielito Habito, dating Director General ng National Economic and Development Authority (NEDA), ang pangunahing pinagkakaabalahan ng madla ay ang PTK (Presyo, Trabaho, Kita). Pwede rin namang JEP –Jobs, Earnings, Prices (Hindi ito ang bagong pagbigkas ng Jeep ). Sa aming palagay, marami ang sasang- ayon sa pananaw ni Dr. Habito, lalo na yaong sektor ng mahihirap sa ating lipunan.

Sa katunayan, ang tuon ng mga mahihirap ngayon ay ang maghanap ng trabaho (kung wala pa sila nito) o dili kaya ay lumipat ng ibang hanap-buhay (sa mga may trabaho na) kung nais nila ang mas malaking sweldo, o ang pagnanais na mga bilihing mura, upang umangat ang antas ng kanilang pamumuhay. Kinikilala ng gobyerno ang ganitong kalagayan. Kaya naman, ang pangkaunlarang adhikain para sa 2011-2016 ay patungkol sa tinatawag na “inclusive growth” na inilalarawan ng tuloy-tuloy na paglago ng ekonomiya, maramihang hanapbuhay, at kabawasan sa kahirapan. Kasama na rin ang pagtataguyod sa isang maasahan at disenteng hanapbuhay para sa lahat.

Subalit, ang kaunlaran para sa lahat ay nananatiling isang malaking hamon. Sa kabila ng gumagandang kalagayan pang socio-ekonomiko ng bansa at positibong pag-angat ng Gross Domestic Product (GDP), kapansin pansin na hindi nagbabago ang bahagi ng lipunan na mahirap at iba pang indikasyon ng kahirapan sa bansa sa loob ng halos isang dekada. Base sa estadistika, ang poverty incidence sa ating bansa ay nasa pagitan ng 24.9% noong 2006 at 26.5% noong 2009 ². Ibig sabihin nito, sa apat na Pinoy, isa ang mahirap. Ito ay sa kabila ng paninindigan ng bansa na makamit ang isinusulong na Millennium Development Goals, na nagnanais na bawasan ng kalahati ang bahagi ng lipunan na mahirap pagsapit ng taong 2015 (magmula noong taong 1990).

Nakalulungkot, na ganito rin ang nakikitang pangyayari sa mga datos na lumalabas ukol sa unemployment at underemployment sa hanay ng mga mahihirap. Ayon sa estadistika mula sa sample survey na isinagawa ng National Statistics Office (NSO), lumalabas na halos walang ipinagbago ang kondisyon ng mahihirap noong 2006 at 2009 kung tungkol sa hanapbuhay ang pag uusapan. Sa halip, mas lalong tumaas ang poverty incidence sa hanay ng mahihirap na walang trabaho,, mula 15.8% noong 2006 at naging 22.4% noong 2009 (Table 1 and 2) .

Dagdag rito, lumubha ang poverty incidence sa mga underemployed population mula sa 33.5% noong 2006 ay naging 35.4% noong 2009.(Table 3 and 4). Hindi sapat na makapagbigay ng trabaho para sa mga Pilipino. Karapat dapat na may kalidad ang mga hanap buhay nila upang maseguro na mayroon silang sapat na kita para sila’y makaahon sa kahirapan. Ang hirap naman na nagtatrabaho ka na nga, tapos mahirap ka pa rin! Ang dapat nating malaman ay saan nagtratrabaho ang mga mahihirap na may hanapbuhay?

Masasabi rin na hindi kasing epektibo ang pagtatangka ng Pilipinas na pigilan ang unemployment rate (o bahagi na walang trabahalo mula sa sector na maaring maghanap-buhay). na 7.0% noong 2011 kung ikukumpara sa mga lumalagong katabi nating ekonomiya sa Asya tulad ng mga sumusunod : Thailand (0.7 percent), Viet Nam (2.0 percent), Malaysia (3.1 percent), China (4.1 percent) and Indonesia (6.6 percent). (Table 5)

Dagdag pa rito, nagkakaroon din ng malawakang pagbabago sa estraktura ng paghahanapbuhay sa anim na bansang ito sa Asya, mula sa sektor ng agrikultura, papunta sa manufacturing at iba pang sektor (na binubuo ng sektor ng industriya at serbisyo) sa pagitan ng taong 1994-2011. (Table 6). Lalo’t higit sa mga bansang Vietnam at China na gumawa ng malaking hakbang upang mabawasan ang kahirapan sa kanilang mga bansa. Mula 63.7% noong 1993, ang poverty incidence sa Vietnam ay bumaba sa 13.1% noong 2008. (Table 7)

Sa Vietnam, bumaba ang bahagdan ng mahihirap na may hanapbuhay, mula 71.5% noong 1995 at naging 20.4% noong 2006. Sa kabilang dako, sa China, bumaba din ito, mula 73.1% noong 1995 naging 18.3% noong 2005 (Table 8). Sa dalawang bansang ito, lumiliit ang kabahagi ng mga taong nagtratrabaho sa sektor ng Agriculture, Forestry, and Hunting samantalang yaong mga nasa manufacturing ay tumataas. Sa madaling sabi, ang mahihirap mula sa hanay ng sektor ng agrikultura ay nagagawang kumawala sa banig ng kahirapan sa pamamagitan ng pagkakaroon ng maayos na hanapbuhay. Ang Pilipinas sa kabilang banda, ay patuloy na bumababa ang bilang ng mga naghahanapbuhay mula sa sektor ng manufacturing subalit tumataas ang dami ng mga naghahanapbuhay mula sa sektor ng serbisyo. (Table 6)

Kaya’t ang tanong, saang sektor namamasukan ang mga mahihirap na Pilipinong may hanapbuhay?

Nakakagulat subalit, ang mga mahihirap na Pilipinong may trabaho ay nabibilang sa mga sektor ng Agriculture, Forestry, and Hunting noong 2006 at 2009. Ito ay sa halip na sa sector ng manufacturing.

Noong 2006, nagsagawa ng Survey on Hunger Incidence in the Philippines ang Bureau of Agricultural Statistics (BAS). Lumabas sa naturang survey na karamihan sa mga nagsasabing nakaranas ng pagkagutom ay pawang mga magsasaka. Ibig sabihin, ang bulto ng mga mahihirap sa bansa ay nasa sektor ng agrikultura, kaya’t nararapat lamang na magkaroon sila ng ibang uri ng hanapbuhay na mas malaki ang kita.

Nakalulungkot subalit ilan sa mga magsasaka ay kulang sa edukasyon upang mailipat sila sa mga gawaing propesyunal. Halos tatlo sa bawat limang (59.3%) nagtratrabahong mahirap ay hindi nakatapos/nakatapos ng elementarya. (Table 3) Sa kabila nito, maari naman silang magtrabaho sa sector ng manufacturing o kalakalan na makapagbibigay sa kanila ng mas malaking kita.

Kung ikukumpara sa ibang bansa, mas mahal ang presyo ng mga pagkain dito sa Pilipinas, subalit kabalintunaan na hindi natatamasa ng mga magsasaka ang kita na nagmumula sa pagsasaka. Ito ay dahil sa ang benepisyo ng mahal na presyo ng mga produktong pangsakahan ay napupunta sa gastos sa transportasyon, sa mga mangangalakal at hindi sa mga magsasaka.

Kaya nga’t binabati namin ang Department of Trade and Industry sa pagsisimula ng isang programang huhugis para sa sector ng manufacturing. Alam namin na ang iba pang sangay ng pamahalaan ay sumusuporta sa adhikaing ito para sa mga kooperatiba ng mga magsasaka upang mapaunlad ang kanilang kakayahan sa pangangalakal. Oo nga’t marami pang hamon para sa sektor ng pamahalaan, pribado at development stakeholders bago makamit ang tinatawag na “inclusive growth” o kaunlaran para sa lahat, subalit naniniwala kami na hindi ito imposible kung pagbabatayan natin ay estadistika.

Kung kayo’y may reaksyon o ibang pananaw ukol sa artikulong ito, mangyari lamang na sumulat sa may akda sa e-mail address na: jrg.albert@nscb.gov.ph

Ipinapakita sa mga sumusunod na talata ang karagdagang detalye ng pag-aaral sa mga mahihirap na unemployed at underemployed sa bansa: Ang mga mahihirap na unemployed o walang trabaho,

Noong 2006 at 2009, karamihan sa mga mahihirap na walang trabaho ay mga kabataan...aabot sa tatlo sa lima ang may edad na 15 hanggang 24 gulang. Sinasabi na ang kabataan ang pag-asa ng bayan pero kung ang datos na ito sa kabataang walang trabaho'y di kaagad bigyan ng aksyon tiyak na ang kanilang kinabukasa'y nasa bingit ng alanganin (tingnan ang Table 1).

Hindi katakataka sa mga datos na ipinapakikita na ang karamihan sa mga mahihirap na walang trabaho ay walang asawa – 61% noong 2006 at nadagdagan ito ng 7% para maging 68.0 % noong 2009 (tingnan ang Table 1). Dahil dito, maaaring sabihin ng mga may asawa na ang kasabihang ‘mahirap ang mag-asawa’ ay hindi laging tama.
Mahigit kalahati, o halos dalawang-katlo ng mahihirap na walang trabaho ay lalaki! (Tingnan ang Table 1). Lumalabas na tila baga mas mahirap para sa mga lalaki ang humanap ng trabaho kaysa sa mga babae. Pero kung susuriin, mas maraming lalaki kaysa babae ang kabilang sa labor force (eto ang mga taong maaring makapag hanap buhay).
Di rin nakapagtataka na mas mababa ang proporsyon ng mahihirap na walang trabaho kaysa sa mga nakapagtapos ng kolehiyo at sa mga di nakapagtapos ng kolehiyo. Pinakikita lamang ng datos na ito na ang edukasyon pa rin ang seguridad natin laban sa kahirapan (tingnan ang Table 1).
Noong 2009, tinatayang apat sa bawat sampung mahihirap na walang trabaho ang naninirahan sa Luzon. Karamihan dito’y nasa sa Calabarzon (10.8%), Gitnang Luzon (8.5%),Bicol Region (8.1%), at National Capital Region (6.9 porsyento). (tingan ang Table 2)
Sa kabuuan, mas kakaunti ang mga mahihirap na walang trabaho na taga Cordillera Administrative Region (0.4%), Cagayan Valley (1.5 %) at ARMM (2.1%). (tingan ang Table 2)

Ang mga mahihirap na underemployed…

Noong 2006 at 2009, karaniwan sa mga mahihirap na underemployed na Pinoy ay nasa pagitan ng edad na 35 hanggang 44 gulang. Karamihan sa kanila ay may mga asawa na (72.2% sa taong 2006 at 69.9% sa taong 2009) at mga lalaki (71.8% noong 2006 at 70.4%noong 2009) (Tingnan ang Table 3).
Pinakikita sa Table 3 na ang kahirapan sa hanay ng mga underemployed ay bumababa habang ang antas ng pinag-aralan ay tumataas.
Karamihan sa mahihirap na underemployed ay nagtatrabaho bilang laborers at unskilled workers (50.1% noong 2006 at 53.0% noong 2009), at farmers, forestry workers at fishermen (31.1% noong 2006 at 27.7% noong 2009. (Table 4)
Noong 2009, aabot sa anim sa sampung naitalang mahirap na underemployed ang nasa negosyong pang Agriculture, Forestry at Hunting (Tingnan sa Table 4)
Sa karaniwan, ang mahihirap na underemployed ay nagtatrabaho ng 6 na oras sa isang araw noong 2006 at tumaas ito nang 7 oras sa isang araw noong 2009. Hindi nakapagtataka na ang mas maiksing oras na ginugugol sa paggawa ay nangangahulugan din ng kakulangan sa pambili ng pagkain at iba pang batayang pangangailangan. Dagdag pa, karamihan sa mga mahihirap na underemployed ang may permanenteng trabaho (63.7% noong 2006 at 62.1% noong 2009). (Tingan ang Table 4)

¹ Secretary General ng Pambansang Lupon sa Ugnayang Pang-Estadistika (National Statistical Coordination Board, NSCB). Ang NSCB ay ang pinakamataas na pampatakaran at pang-koordinasyong ahensiya sa larangan ng estadistika sa Pilipinas na may tungkulin naka-ugnay sa National Economic Development Authority (NEDA). Bago siya naitalaga bilang Secretary General ng NSCB, si Dr. Albert ay isang Senior Research Fellow ng Surian sa mga Pag-aaral Pangkaunlaran ng Pilipinas (Philippine Institute of Development Studies, PIDS), isang ahensya na naka-ugnay sa NEDA. Nagtapos bilang summa cum laude sa kursong Bachelor of Science sa Applied Mathematics sa Unibersidad ng De La Salle si Dr. Albert noong 1988. Natapos niya ang kanyang Master of Science sa Estadistika noong 1989 at Ph.D noong 1993 sa State University ng New York sa Stony Brook. Sa kasalukuyan, siya ay isang adjunct faculty ng Asian Institute of Management. Siya rin ay naging pangulo ng Philippine Statistical Association, fellow ng Social Weather Stations at halal na regular na kasapi ng National Research Council of the Philippines.

Ang iba pang nag-ambag sa pagbuo ng artikulong ito ay sina Jessamyn O. Encarnacion, Mildred B. Addawe, and Mechelle M. Viernes; Direktor, Statistical Coordination Officer (SCO) V, and SCO III, ayon sa pagkaka sunod-sunod, ng NSCB. Sa layuning maipaliwanag ang estadistika sa ating mga kababayan, ang orihinal na artikulo na nasa wikang Ingles ay isinalin sa wikang Filipino ni Edward Eugenio P. Lopez-Dee at Ruben V. Litan, SCO VI at IV ng NSCB, ayon sa pagkakasunod. Pinasasalamatan ng mga may akda sina Candido J. Astrologo Jr, Noel S. Nepomuceno, Ma. Libertie V. Masculino, Simonette A. Nisperos, Joseph Albert M. Bulan, Ms. Lei Isabel S. Domingo, at. Dennis E. San Diego, Direktor, Information Technology Officer II, SCO IV, Information System Analyst II, Research Assistant, Research Assistant at Artist/Illustrator, ayon sa pagkakasunod-sunod, sa pagtulong nila para mailathala ang artikulong ito. Ang mga punto’t pananaw na naihayag sa artikulong ito ay pawang sa mga may akda lamang at hindi mula sa NSCB at mga teknikal staff nito.

² Pinanggalingan: National Statistical Coordination Board (http://www.nscb.gov.ph/poverty/2009/table_2.asp)

comments powered by Disqus

Table 1. Porsyento ng mahihirap na unemployed, sa bawat katangian:
2006 at 2009

Katangian	2006		2009
Katangian	Bilang	Distribusyon	Bilang	Distribusyon
Pangkat edad
15-24	205,683	55.3	288,969	62.1
25-34	64,500	17.3	67,339	14.5
35-44	52,108	14.0	54,532	11.7
45-54	23,705	6.4	29,158	6.3
55-64	3,794	1.0	18,050	3.9
65 at pataas	22,273	6.0	7,058	1.5
Total	372,062	100.0	465,106	100.0

Kasarian
lalaki	230,918	62.1	298,669	64.2
babae	141,144	37.9	166,437	35.8
Total	372,062	100.0	465,106	100.0

Marital Status
walang asawa	226,807	61.0	316,260	68.0
may asawa	133,284	35.8	132,534	28.5
balo	8,024	2.2	5,137	1.1
diborsyado	3,946	1.1	10,314	2.2
hindi alam		0.0	861	0.2
Total	372,062	100.0	465,106	100.0

Pinakamataas na antas ng edukasyon
walang tinapos		2.1	9,588	2.1
elementary undergraduate	81,453	21.9	91,942	19.8
elementary graduate	68,928	18.5	74,245	16.0
highschool undergraduate	79,528	21.4	111,550	24.0
highschool graduate	98,016	26.3	131,293	28.2
college undergraduate	25,093	6.7	30,871	6.6
college graduate	11,221	3.0	15,617	3.4
Total	372,062	100.0	465,106	100.0

Pinangalingan: Spesyal na pagestimeyt ang iisinagawa ng mga kawani ng NSCB gamit ang 2006 at 2009 FIES-LFS ng NSO at 2006 at 2009 Official Poverty Statistics ng NSCB

Table 2. Bilang ng Mahihirap sa Hanay ng Unemployed Population,
sa bawat Rehiyon, 2006 at 2009

Rehiyon	2006		2009		Pagtaas/Pagbaba
	Bilang ng mahihirap	Distribusyon	Bilang ng Mahihirap	Distribusyon	Bilang ng Mahihirap
	Bilang ng mahihirap	Distribusyon	Bilang ng Mahihirap	Distribusyon	06-09
Pilipinas	372,062		465,106		93,044
NCR	29,681	8.0	31,889	6.9	2,209
CAR	2,753	0.7	2,033	0.4	(720)
Region I	31,461	8.5	22,150	4.8	(9,311)
Region II	4,175	1.1	6,910	1.5	2,735
Region III	35,177	9.5	39,632	8.5	4,455
Region IVA	29,875	8.0	50,258	10.8	20,383
Region IVB	10,757	2.9	13,416	2.9	2,659
Region V	41,828	11.2	37,559	8.1	(4,269)
Region VI	15,474	4.2	38,103	8.2	22,629
Region VII	47,260	12.7	56,746	12.2	9,486
Region VIII	25,655	6.9	38,793	8.3	13,138
Region IX	6,399	1.7	14,617	3.1	8,218
Region X	27,095	7.3	20,988	4.5	(6,108)
Region XI	26,412	7.1	19,607	4.2	(6,806)
Region XII	15,886	4.3	27,522	5.9	11,637
ARMM	6,925	1.9	9,880	2.1	2,955
Caraga	15,249	4.1	35,003	7.5	19,754

Pinangalingan: 2006 at 2009 Official Poverty Statistics for the Basic Sectors, NSCB

Notes:
1/ Ang unemployed ay tumutukoy sa mga indibidwal na 15 taong gulang at pataas, na sa particular na reference period ay nagreport na walang trabaho at kasalukuyang libreng magtrabaho at naghahanap ng trabaho.
2/ Ang poverty incidence ng unemployed population ay tumutukoy sa proporsyon ng unemployed na may kita ng mas mababa sa poverty threshold sa total na bilang ng unemployed.
3/ Ang poverty incidence ng unemployed population ay inestimeyt lamang sa taong 2006 at 2009 dahil ang 2003 Labor Force Survey ay gumamit pa ang lumang depinisyon ng unemployed.

Table 3. Porsyento ng mahirap na underemployed, sa bawat katangian: 2006 at 2009

Katangian	2006		2009
Katangian	Bilang	Distribusyon	Bilang	Distribusyon
Pangkat edad
15-24	460,243	20	490,663	20.2
25-34	581,442	25.3	489,789	20.2
35-44	682,816	29.7	693,391	28.6
45-54	382,671	16.6	487,988	20.1
55-64	151,391	6.6	33,009	1.4
65 at pataas	40,611	1.8	228,279	9.4
Total	2,299,172	100	2,423,118	100.0

Kasarian
lalaki	1,650,073	71.8	1,705,143	70.4
babae	649,100	28.2	717,975	29.6
Total	2,299,172	100	2,423,118	100.0

Marital Status
walang asawa	545,202	23.7	586,215	24.2
May asawa	1,659,194	72.2	1,694,231	69.9
balo	64,504	2.8	109,447	4.5
diborsyado/separada	30,272	1.3	31,779	1.3
hindi alam	0	0	1,445	0.1
Total	2,299,172	100	2,423,118	100.0

Pinakamataas na antas ng edukasyon
walang tinapos	84,897	3.7	113,519	4.7
elementary undergraduate	814,085	35.4	856,947	35.4
elementary graduate	580,574	25.3	578,208	23.9
highschool undergraduate	392,904	17.1	406,840	16.8
highschool graduate	332,403	14.5	361,292	14.9
college undergraduate	77,043	3.4	87,379	3.6
college graduate	17,266	0.8	18,933	0.8
Total	2,299,172	100	2,423,118	100.0

Pinangalingan: Spesyal na pagestimeyt ang iisinagawa ng mga kawani ng NSCB gamit ang 2006 at 2009 FIES-LFS ng NSO at 2006 at 2009 Official Poverty Statistics ng NSCB

Notes:
1/ Ang underemployed ay tumutukoy sa mga employed na indibidwal na may edad 15 pataas, na nagnanais ng karagdagang oras sa kasaluluyang trabaho o kaya ay dagdag na trabaho o bagong trabaho na may mas mahabang oras.
2/ Ang mahihirap na underemployed population ay tumutukoy sa mga underemployed na may kita na mas mababa sa poverty threshold.

Table 4. Porsyento ng mahihirap na underemployed, sa bawat employment characteristics: 2006 at 2009

Employment Characteristics	2006		2009
Employment Characteristics	Bilang	Distribusyon	Bilang	Distribusyon
Pangunahing Okupasyon
Special occupations	3,899	0.2	10,501	0.4
Officials of government and special interest organizations,	75,933	3.3	106,905	4.4
corporate executives, managers, managing proprietors
and supervisors
Professionals	2,294	0.1	1,295	0.1
Technicians and associate professionals	18,280	0.8	25,495	1.1
Clerks	15,594	0.7	13,899	0.6
Service workers and shop and market sales workers	83,563	3.6	103,256	4.3
Farmers, forestry workers and fishermen	714,521	31.1	671,217	27.7
Trades and related workers	172,081	7.5	130,803	5.4
Plant and machine operators and assemblers	61,840	2.7	75,646	3.1
Laborers and unskilled workers	1,151,169	50.1	1,284,100	53.0
Total	2,299,172	100	2,423,118	100.0

Uri ng Negosyo
Agriculture Forestry and Hunting	1,376,195	59.9	1,470,842	60.7
Fishing	184,223	8	169,273	7.0
Mining and Quarrying	14,510	0.6	33,945	1.4
Manufacturing	133,181	5.8	94,452	3.9
Electricity, Gas & Water	382	0	2832	0.1
Construction	115,713	5	104,799	4.3
Wholesale and Retail	172,497	7.5	198,372	8.2
Hotel & Restaurant	9,883	0.4	11,985	0.5
Land Transport	86,644	3.8	105,020	4.3
Financial Intermediation	343	0	845	0.0
Real Estate Activities, Renting & Business Activities	3,477	0.2	8,854	0.4
Public Administration and Defense Compulsory Social Security	34,297	1.5	58,142	2.4
Education	4,106	0.2	3,460	0.1
Human Health and Social Work Activities	6,605	0.3	4,029	0.2
Other community, social & personal services	70,227	3.1	52,531	2.2
Private households with employed persons	86,891	3.8	103,738	4.3
Total	2,299,172	100	2,423,118	100.0

Normal na oras ng pagtatrabaho sa kada araw
1-4 oras	570,338	24.8	543,961	22.4
5-8 oras	1,531,080	66.6	1,661,618	68.6
9-12 oras	184,336	8	206,696	8.5
13-16 oras	13,418	0.6	10,844	0.4
Total	2,299,172	100	2,423,119	100.0

Nature ng Employment
Permanenteng trabaho	1,464,473	63.7	1,503,769	62.1
Maiksing period ng pagtatrabaho	641,078	27.9	745,477	30.8
Iba’t ibang employer	193,622	8.4	173,872	7.2
Total	2,299,172	100	2,423,118	100.0

Pinangalingan: Spesyal na pagestimeyt ang iisinagawa ng mga kawani ng NSCB gamit ang 2006 at 2009 FIES-LFS ng NSO at 2006 at 2009 Official Poverty Statistics ng NSCB

Table 5. Employment, unemployment at labor force participation (lakas pagawa) rates ng ilang bansa sa Asya: 1994-2011

BANSA	1994	1995	1996	1997	1998	1999	2000	2001	2002	2003	2004	2005	2006	2007	2008	2009	2010	2011
CHINA, PEOPLE'S REPUBLIC OF
Employment rate^a (porsyento)	97.2	97.1	97	96.9	96.9	96.9	96.9	96.4	96	95.7	95.8	95.8	95.9	96	95.8	95.7	95.9	95.9
Unemployment rate^b (porsyento)	2.8	2.9	3	3.1	3.1	3.1	3.1	3.6	4	4.3	4.2	4.2	4.1	4	4.2	4.3	4.1	4.1

INDONESIA
Employment rate (porsyento)	95.6	92.8	95.1	95.3	94.5	93.6	93.9	91.9	90.9	90.4	90.1	88.8	89.7	90.9	91.6	92.1	92.9	93.4
Unemployment rate (porsyento)	4.4	7.2	4.9	4.7	5.5	6.4	6.1	8.1	9.1	9.6	9.9	11.2	10.3	9.1	8.4	7.9	7.1	6.6
Labor force participation rate (porsyento)	58	...	66.9	66.3	66.9	67.2	67.8	68.6	67.8	67.8	67.6	66.8	66.2	67	67.2	67.2	67.7	68.3

THAILAND
Employment rate (porsyento)	97.4	98.3	98.5	98.5	95.6	95.8	96.4	96.7	97.6	97.8	97.9	98.2	98.5	98.6	98.6	98.5	99	99.3
Unemployment rate (porsyento)	2.6	1.7	1.5	1.5	4.4	4.2	3.6	3.3	2.4	2.2	2.1	1.8	1.5	1.4	1.4	1.5	1	0.7
Labor force participation rate (porsyento)	75.8	74.5	73.9	73.5	72.1	71.6	71.5	71.9	71.9	72.2	72.4	72.5	72.2	72.4	72.6	72.8	72.3	71.9

MALAYSIA
Employment rate (porsyento)	97.1	96.9	97.5	97.6	96.8	96.6	97	96.5	96.5	96.4	96.5	96.5	96.7	96.8	96.7	96.3	96.7	96.9
Unemployment rate (porsyento)	2.9	3.1	2.5	2.4	3.2	3.4	3	3.5	3.5	3.6	3.5	3.5	3.3	3.2	3.3	3.7	3.3	3.1
Labor force participation rate (porsyento)	...	64.7	66.3	65.6	64.3	64.2	65.4	64.9	64.4	65.2	64.4	63.3	63.1	63.2	62.6	62.9	63.4	64.1

PHILIPPINES
Employment rate (porsyento)	90.5	90.5	91.4	91.2	89.7	90.2	88.8	88.9	88.6	88.6	88.2	92.1	92	92.7	92.6	92.5	92.7	93
Unemployment rate^c (porsyento)	9.5	9.5	8.6	8.8	10.3	9.8	11.2	11.1	11.4	11.4	11.8	7.9	8	7.3	7.4	7.5	7.3	7
Labor force participation rate (porsyento)	65.5	65.8	66.7	66.1	65.9	66.4	64.9	67.1	67.4	66.7	67.5	64.6	64.2	64	63.6	64	64.1	64.6

VIET NAM
Employment rate^d (porsyento)	...	...	...	...	95.5	95.6	97.7	97.5	97.8	97.8	97.9	97.5	95.1	95.9	96.4	96.8	97.3	98
Unemployment rate^d (porsyento)	...	...	...	...	4.5	4.4	2.3	2.5	2.2	2.2	2.1	2.5	4.9	4.1	3.6	3.2	2.7	2
Labor force participation rate^d (porsyento)	...	...	...	...	...	...	49.6	50.2	50.7	51.1	51.8	52.5	71	74.7	75.5	76.5	77.4	77

Pinangalingan: Key Indicators for Asia and the Pacific 2012, Asian Development Bank (ADB) (www.adb.org/statistics )

Note:
a. Tumutukoy sa mga taong na may social labor at nakakatangap ng remuneration payment o kumkita mula sa negosyo.
b. Tumutukoy sa urban na lugar lamang.
c. Simula Abril taong 2005, ang depinisyon ng unemployed ay pinalitan at kabilang ang mga tao na may edad 15 at pataas na nagreport na: (1) walang trabaho; (2) puwedeng magtrabaho; at (3) naghahanap ng trabaho hindi naghahanap dahil sa valid na dahilan.
d. Simula 2006, ito ay tumutukoy sa urban na lugar lamang.

Table 6. Share ng employed workers sa bawat industiya sa total employed: 1994 - 2011

BANSA	1994	1995	1996	1997	1998	1999	2000	2001	2002	2003	2004	2005	2006	2007	2008	2009	2010	2011
PHILIPPINES
Employed	100	100	100	100	100	100	100	100	100	100	100	100	100	100	100	100	100	100
Agriculture	45.1	43.4	42.8	39.5	37.9	38.8	37.1	37.2	37	36.6	36	36	35.8	35.1	35.3	34.4	33.2	33
Manufacturing	10.1	10.2	9.9	10.3	10.2	9.9	10	10	9.5	9.6	9.7	9.6	9.4	9.1	8.6	8.3	8.4	8.3
Mining	0.4	0.4	0.4	0.5	0.4	0.4	0.4	0.4	0.4	0.3	0.4	0.4	0.4	0.4	0.5	0.5	0.6	0.6
Others	44.3	46	46.8	49.7	51.5	50.9	52.5	52.5	53.1	53.4	53.9	54.1	54.4	55.3	55.7	56.9	57.8	58.2

VIETNAM
Employed	100	100	100	100	100	100	100	100	100	100	100.1	100	100	100	100	100	100	100
Agriculture	70.3	71.3	70.7	70.1	69.5	68.9	64.4	63.6	58.7	56.9	58.7	57.1	54.3	52.9	52.3	51.5	49.5	48.4
Manufacturing	8	8	8.2	8.3	8.4	8.6	9.3	10.1	10.6	11.3	11.8	17.4	17.5	18.3	18.7	19.4	20.4	20.7
Mining	0.6	0.6	0.7	0.7	0.6	0.6	0.8	0.8	0.5	0.7	0.7	0.8	0.6	0.7	0.6	0.6	0.6	0.6
Others	21.1	20.1	20.4	20.9	21.4	21.9	25.5	25.5	30.1	31	28.8	24.7	27.6	28.1	28.4	28.4	29.5	30.3

PEOPLE'S REPUBLIC OF CHINA
Employed	100	100	100	100	100	100	100	100	100	100	100	100	100	100	100	100	100
Agriculture	54.3	52.2	50.5	49.9	49.8	50.1	50	50	50	49.1	46.9	44.8	42.6	40.8	39.6	38.1	36.7
Industry	22.7	23	23.5	23.7	23.5	23	22.5	22.3	21.4	21.6	22.5	23.8	25.2	26.8	27.2	27.8	28.7
Services	23	24.8	26	26.4	26.7	26.9	27.5	27.7	28.6	29.3	30.6	31.4	32.2	32.4	33.2	34.1	34.6

INDONESIA
Employed	100	100	100	100	100	100	100	100	100	100	100	100	100	100	100	100	100	100
Agriculture	46.1	44	44	40.7	45	43.2	45.3	43.8	44.3	46.4	43.3	44	42	41.2	40.3	39.7	38.3	35.9
Manufacturing	13.2	12.6	12.6	12.9	11.3	13	13	13.3	13.2	12.4	11.8	12.7	12.5	12.4	12.2	12.2	12.8	13.3
Mining	0.9	0.8	0.9	1	0.8	0.8	0.6	0	0.7	0.8	1.1	1	1	1	1	1.1	1.2	1.3
Others	39.7	42.6	42.5	45.3	42.9	43	41.2	42.9	41.8	40.4	43.8	42.3	44.5	45.4	46.4	47	47.7	49.5

MALAYSIA
Employed	100	100	100	100	100	100	100	100	100	100	100	100	100	100	100	100	100
Agriculture	19.4	20	19.4	17.3	18.8	18.4	16.7	15.1	14.9	14.3	14.6	14.6	14.6	14.8	14	13.5	14.2	12
Manufacturing	24.9	23.3	22.8	23.4	22.2	22.5	23.5	23.3	21.7	21.6	20.3	19.8	20.3	18.8	18.2	16.6	16.7	17.1
Mining	0.5	0.4	0.4	0.4	0.3	0.4	0.3	0.3	0.3	0.3	0.3	0.4	0.4	0.4	0.5	0.6	0.5	0.6
Others	55.2	56.3	57.5	58.9	58.7	58.6	59.5	61.2	63.1	63.8	64.8	65.2	64.7	66.1	67.3	69.3	68.6	70.3

THAILAND
Employed	100	100	100	100	100	100	100	100	100	100	100	100	100	100	100	100	100	100
Agriculture	50.3	46.7	45.2	44.9	44.5	45	44.2	42.4	42.5	41	39.3	38.6	39.7	39.5	39.7	39	38.2	38.7
Manufacturing	13.9	15	14	13.6	14.2	13.9	14.9	15.3	15.3	15.7	15.8	15.8	15.4	15.5	14.7	14.3	14.1	13.8
Mining	0.2	0.2	0.2	0.2	0.1	0.2	0.1	0.2	0.1	0.1	0.1	0.2	0.2	0.2	0.2	0.1	0.1	0.1
Others	35.6	38.2	40.7	41.3	41.2	40.8	40.8	42.1	42.1	43.2	44.8	45.4	44.7	44.9	45.4	46.6	47.6	47.4

Pinangalingan: Key Indicators for Asia and the Pacific 2012, Asian Development Bank (ADB) (www.adb.org/statistics )

Table 7. MDG 1.1. Bahagi ng populasyon na may kitang mas mababa sa $1 sa isang araw : 1990-2010

BANSA	Bahagi ng populasyon na may kitang mas mababa sa $1 sa isang araw
BANSA	1990	1991	1992	1993	1994	1995	1996	1997	1998	1999	2000	2001	2002	2003	2004	2005	2006	2007	2008	2009	2010
China	60.2					54.1				35.6						16.3			13.1
Indonesia	54.3						43.4				47.7					21.4					18.1
Malaysia						2.1									0.5					0
Philipppines		30.7			28.1						22.5					22.6					18.4
Thailand	11.6						2.5				3					1					0.4
Vietnam				63.7									40.2				21.4		16.9

Pinangalingan: Statistical Database System, Asian Development Bank (ADB) (https://sdbs.adb.org/sdbs/index.jsp )

Table 8. MDG 1.6. Bahagi ng employed na populasyon na may kitang mas mababa
sa $1 sa isang araw:1991-2006

BANSA	Bahagi ng employed na populasyon na may kitang mas mababa sa $1 sa isang araw
BANSA	1991	1992	1993	1994	1995	1996	1997	1998	1999	2000	2001	2002	2003	2004	2005	2006
China		73.1			62				41						18.3
Indonesia					52.5					9.2					27.8
Malaysia		1.9			2.5									0.6
Philipppines	37.1			33.9						27.6			18.7			27.2
Thailand		5.7				2
Vietnam					71.5					44.9				22.7		20.4

Pinangalingan: Statistical Database System, Asian Development Bank (ADB) (https://sdbs.adb.org/sdbs/index.jsp )

Sexy Statistics Main Page

(Posted 25 October 2012)


E-mail the webmaster	Terms of Use	Home • Top of Page
	1997-2013, National Statistical Coordination Board Makati City, Philippines